توك صـــــــــــــــــــــــغيره

تؤك صغيره وابتديتي تحبين





من علمك ليل السهر يا صغيره؟؟







بدري عليك العشق يابنت هالحين




حرام هذا القلب وشهو مصيره؟؟







انتي بريئه في الهواء ليه تشقين؟؟




دروبه طواء عليك وعسيره







رحتي بدرب ماله اصلا عناوين




وانتي مشاويرك من اول قصيره







ياطفلة حبت وراحت على وين؟




عقب الهنا ذقتي الحياه المريره







وينك وين الحب وشوق والبين؟




عنيتي عيونك وصوتي سهيره







امحق تسلي كان ودك تسلين




الورد لولا اللون وشهو عبيره؟







خليتي دروسك وصرتي تحاتين




الدرس في ديره وصوتي بديره







وصرتي بعد من غير هذا تغارين




والمشكله يابنت منتي خبيره







نصيحتي لك كان ودك تردين




يم السعاده والحياه المثيره







خلك بجو العائله لا تعدين




ماما و بابا و العجوز الظريره







شيبانك اللي ما يبونك تعانين




من بينهم عشتي كأنك آميرة







الحب قبلك هز ناس كثيرين




وخلا القلوب تعيش هم وحيره







الحب يفضح لا انكشف داخل العين




وانتي بنفسك ماهقيتك بصيره







طيعي كلامي واحذري لاتمادين




تراجعي لا عل في الامر خيره







عيشي الطفوله والبراءه لك سنين




وبعدين حبي لا غديتي كبيره